Татарстан Республикасы Хезмәт, халыкны эш белән тәэмин итү һәм социаль яклау министрлыгының «Хезмәт, эш белән тәэмин итү һәм социаль яклау: 2023 ел йомгаклары һәм 2024 елга бурычлар» йомгаклау коллегиясе утырышы

2024 елның 12 гыйнвары, җомга

Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгының «Хезмәт, мәшгульлек һәм социаль яклау: 2023 ел нәтиҗәләре һәм 2024 елга бурычлар» йомгаклау коллегиясе утырышы булды.

Үз чыгышында министр Эльмира Зарипова ведомствоның 2023 елдагы эш нәтиҗәләре, Татарстан хезмәт базарындагы вәзгыять, гражданнарга, шул исәптән махсус хәрби операциядә катнашучыларның гаиләләренә, ярлылыкка каршы көрәш, “Демография” милли проектын гамәлгә ашыру барышы һәм нәтиҗәләре турында сөйләде. Шулай ук җитештерү травматизмы, коррупциягә каршы тору мәсьәләләре дә яктыртылды.